27.02.2023 |
2023 жылғы 19 наурызға тағайындалған
Қазақстан Республикасы мәслихаттарының депутаттарын сайлау
жөніндегі дауыс беруге арналған сайлау бюллетеньдері туралы
«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12-бабының 6) тармақшасына, 14-бабына, 26-1 және 37-баптарына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:
1. Мәслихат депутаттарын сайлау жөніндегі дауыс беруге арналған сайлау бюллетеньдерінің бланкілеріне қойылатын талаптар осы қаулыға 1-қосымшаға сәйкес белгіленсін.
2. 2023 жылғы 19 наурызға тағайындалған мәслихаттардың депутаттарын сайлау жөніндегі дауыс беруге арналған сайлау бюллетеньдерінің қорғалу дәрежесі осы қаулыға 2-қосымшаға сәйкес (қызметтік пайдалану үшін) белгіленсін.
3. Өңірлердің сайлау комиссиялары:
1) мәслихаттардың бірмандаттық сайлау округтері бойынша сайланатын депутаттарын сайлау жөніндегі бюллетеньдердің мәтіндерін бекітсін;
2) Қазақстан Республикасы облыстарының, республикалық маңызы бар қалалары мен астанасы мәслихаттарының партиялық тізімдер бойынша сайланатын депутаттарын сайлау жөніндегі дауыс беруге арналған сайлау бюллетеньдерін дайындау кезінде «Сайлау бюллетеніне саяси партиялардың атауларын енгізу туралы» 2023 жылғы 17 ақпандағы жеребе тартуды өткізу нәтижелерін қолдансын;
3) мәслихаттардың депутаттарын сайлау жөніндегі сайлау бюллетеньдерінің санын белгілесін, оларды дайындауды және сайлау учаскелеріне уақтылы жеткізуді қамтамасыз етсін.
4. Осы қаулы облыстық, Астана, Алматы және Шымкент қалаларының сайлау комиссияларына жіберілсін.
5. Осы қаулы Қазақстан Республикасы Орталық сайлау комиссиясының интернет-ресурсында жариялансын.
6. Осы қаулының орындалуын бақылау Қазақстан Республикасы Орталық сайлау комиссиясының хатшысы М.Т. Ерманға жүктелсін.
Қазақстан Республикасы |
Н. Әбдіров |
Қазақстан Республикасы |
М. Ерман |
Астана қаласы,
2023 жылғы 27 ақпан
№ 50/736