2023 жылғы 19 наурызға тағайындалған Қазақстан Республикасы 

Парламенті Мәжілісінің бірмандаттық аумақтық сайлау округтері

 бойынша сайланатын депутаттарын сайлау жөніндегі дауыс беруге 

арналған сайлау бюллетеньдері туралы

 «Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12-бабының 6) тармақшасына, 16-1-бабына, 26-1 және 37-баптарына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Қазақстан Республикасындағы сайлаушылардың жалпы санының 1 процентi резервiн қоса дайындалуға және сайлау учаскелеріне жеткізілуге тиіс, Қазақстан Республикасы Парламенті Мәжілісінің бірмандаттық аумақтық сайлау округтері бойынша сайланатын депутаттарын сайлау жөніндегі сайлау  бюллетеньдерінің  саны  осы  қаулыға  1-қосымшаға сәйкес 12 152 876 (он екі миллион жүз елу екі мың сегіз жүз жетпіс алты) дана болып белгіленсін.

2. 2023 жылғы 19 наурызға тағайындалған Қазақстан Республикасы Парламенті Мәжілісінің бірмандаттық аумақтық сайлау округтері бойынша сайланатын депутаттарын сайлау бойынша дауыс беруге арналған сайлау бюллетенінің бланкіне қойылатын талаптар осы қаулыға 2-қосымшаға сәйкес белгіленсін.

3. Сайлау бюллетеньдерінің қорғалу дәрежесі осы қаулыға 3-қосымшаға (қызметтік пайдалану үшін) сәйкес белгіленсін.

4. Қазақстан Республикасы Парламенті Мәжілісінің бірмандаттық аумақтық сайлау округтері бойынша сайланатын депутаттарын сайлау жөніндегі 29 округтік сайлау комиссиясы бюллетень мәтінін бекітсін және 2023 жылғы 1 наурызға дейін Қазақстан Республикасының Орталық сайлау комиссиясына ұсынсын.

5. Қазақстан Республикасы Орталық сайлау комиссиясының аппараты округтік, аумақтық сайлау комиссиялары ұсынған бюллетеннің мәтіні негізінде оларды белгіленген санда дайындауды және өңірлерге жеткізуді қамтамасыз етсін.

6. Осы қаулы Қазақстан Республикасы Орталық сайлау комиссиясының интернет-ресурсында жариялансын.

7. Осы қаулының орындалуын бақылау Қазақстан Республикасы Орталық сайлау комиссиясының хатшысы М.Т. Ерманға жүктелсін.

Қосымша...

Қазақстан Республикасы Орталық сайлау комиссиясының Төрағасы	Н. Әбдіров
Қазақстан Республикасы Орталық сайлау комиссиясының хатшысы	М. Ерман

 

     

 

Астана қаласы,

2023 жылғы 27 ақпан

№ 50/735