2023 жылғы 19 наурызға тағайындалған Қазақстан Республикасы 

Парламенті Мәжілісі депутаттарының кезектен тыс сайлауына

шет мемлекеттер мен халықаралық ұйымның байқаушыларын 

аккредиттеудің кейбір мәселелері туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық Заңының 20-2-бабына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Қазақстан Республикасы Сыртқы істер министрлігінің 2023 жылғы 16 ақпандағы № 14/2836-И ұсынымының негізінде 2023 жылғы 19 наурызға тағайындалған Қазақстан Республикасы Парламенті Мәжілісі депутаттарының кезектен тыс сайлауына Сайлауды байқау жөніндегі ЕҚЫҰ/ДИАҚБ миссиясының халықаралық байқаушысы Мишель Ньянг Ньянгтың Қазақстан Республикасы Орталық сайлау комиссиясының жанында аккредиттелуі кері қайтарып алынсын.

2. Сайлауды байқау жөніндегі ЕҚЫҰ/ДИАҚБ миссиясының халықаралық байқаушысы Мишель Ньянг Ньянгтың куәлігі кері қайтарып алынсын.

3. «2023 жылғы 19 наурызға тағайындалған Қазақстан Республикасы Парламентінің Мәжілісі депутаттарының кезектен тыс сайлауына шет мемлекеттер мен халықаралық ұйымның байқаушыларын аккредиттеу туралы» Қазақстан Республикасы Орталық сайлау комиссиясының 2023 жылғы 9 ақпандағы № 34/709 қаулысына мынадай өзгеріс енгізілсін:

аталған қаулымен бекітілген, 2023 жылғы 19 наурызға тағайындалған Қазақстан Республикасы Парламенті Мәжілісі депутаттарының кезектен тыс сайлауына Қазақстан Республикасы Орталық сайлау комиссиясының жанында аккредиттелген халықаралық ұйым байқаушыларының тізімінде (2-қосымша):

«Сайлауды байқау жөніндегі ЕҚЫҰ/ДИАҚБ миссиясы» бөлімінде реттік нөмірі 29 «42 Michel Njang Njang» деген жол алынып тасталсын.

4. 2023 жылғы 19 наурызға тағайындалған Қазақстан Республикасы Парламентінің Мәжілісі депутаттарының кезектен тыс сайлауына Қазақстан Республикасы Сыртқы істер министрлігінің ұсынуы бойынша Қазақстан Республикасы Орталық сайлау комиссиясының жанында Сайлауды байқау жөніндегі ЕҚЫҰ/ДИАҚБ миссиясының байқаушысы Мари Раэле Слоан Блустокин аккредиттелсін.

5. 2023 жылғы 19 наурызға тағайындалған Қазақстан Республикасы Парламенті Мәжілісі депутаттарының кезектен тыс сайлауына Қазақстан Республикасы Сыртқы істер министрлігінің ұсынуы бойынша Қазақстан Республикасы Орталық сайлау комиссиясының жанында шет мемлекеттердің байқаушылары қосымшаға сәйкес аккредиттелсін.

6. Шет мемлекеттер мен халықаралық ұйымның байқаушыларына тиісті куәліктер берілсін.

7. Осы қаулы Қазақстан Республикасының Сыртқы істер министрлігіне, сондай-ақ облыстардың, республикалық маңызы бар қалалардың және астананың сайлау комиссияларына жеткізілсін.

8. Осы қаулының орындалуын бақылау Қазақстан Республикасы Орталық сайлау комиссиясының хатшысы М.Т. Ерманға жүктелсін.

Қосымша...

Астана қаласы

2023 жылғы 18 ақпан

№ 45/724