Асылбек Базарбайұлы Қожахметовтің бірмандаттық аумақтық сайлау 

округі бойынша №24 округтік сайлау комиссиясының 2023 жылғы
6 ақпандағы № 10 хаттамасына шағымы туралы

«Қазақстан Республикасындағы сайлау туралы» Қазақстан Республикасы Конституциялық заңының 12-бабының 5) тармақшасына және 49-бабына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. №24 бірмандаттық аумақтық сайлау округі бойынша округтік сайлау комиссиясы ішкі істер органдарының аумақтық бөлімшелерінен азамат А.Б. Қожахметовтің Қазақстан Республикасының аумағында соңғы он жыл ішінде (2013 жылғы 1 қаңтардан бастап қазіргі уақытқа дейінгі кезеңде) тіркелгені туралы, оның ішінде тұрғылықты жері бойынша оның тіркелмегені туралы фактілер, азамат А.Б. Қожахметовтің Қазақстан Республикасының аумағында күнтізбелік он күннен артық тіркелмеген кезеңде Қазақстан Республикасының шегінен тыс жерлерге кетуі фактілері, азамат А.Б.Қожахметовтің Қазақстан Республикасының шегінен тыс жерлерге тұрақты тұруға кетуі туралы, сондай-ақ оның Қазақстан Республикасының шегінен тыс жерлерге тұрақты тұруға кетуі туралы берген өтініштері жөнінде мәліметтерді қосымша сұратсын.

2. Ішкі істер органдарының аумақтық бөлімшелері ұсынған мәліметтердің негізінде Қазақстан Республикасы Парламенті Мәжілісінің депутаттығына кандидат А.Б. Қожахметовке Қазақстан Республикасының Конституциясында және «Қазақстан Республикасындағы сайлау туралы» Қазақстан Республикасының Конституциялық заңында қойылатын талаптарға оның сәйкестігін (сәйкес еместігін) белгілеу туралы мәселе қайта қаралсын.

Астана қаласы

2023 жылғы 19 қаңтар

№37/712