«Respublica» партиясы» қоғамдық бірлестігін

партиялық тізімдер бойынша сайланатын

Қазақстан Республикасы мәслихаттары депутаттарының

кезектен тыс сайлауына қатысуға жіберу туралы

«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңының 12-бабының 1) және 2-1) тармақшаларына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. «Respublica» партиясы» қоғамдық бірлестігі 2023 жылғы 19 наурызға тағайындалған, партиялық тізімдер бойынша сайланатын Абай, Ақмола, Ақтөбе, Алматы, Батыс Қазақстан, Жамбыл, Жетісу, Қарағанды, Қостанай, Қызылорда, Маңғыстау, Павлодар, Солтүстік Қазақстан, Түркістан, Ұлытау, Шығыс Қазақстан облыстарының, Алматы, Шымкент және Астана қалаларының мәслихаттары депутаттарының кезектен тыс сайлауына қатысуға жіберілсін.

2. Осы қаулы облыстық, республикалық маңызы бар қалалардың және Республика астанасының сайлау комиссияларына жіберілсін.

3. Осы қаулы Қазақстан Республикасы Орталық сайлау комиссиясының интернет-ресурсында жариялансын.

Астана қаласы

2023 жылғы 27 қаңтар

№27/699