2022 жылғы 20 қарашаға тағайындалған Қазақстан Республикасы  

Президентінің кезектен тыс сайлауына халықаралық ұйымдардың 

байқаушыларын аккредиттеуді кері қайтарып алу туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық Заңының 20-2-бабына сәйкес, Қазақстан Республикасы Сыртқы істер министрлігінің 2022 жылғы 10 қарашадағы № 14/19217 және 2022 жылғы 14 қарашадағы № 14/1919383 ұсынымдарының негізінде Қазақстан Республикасының Орталық сайлау комиссиясы ҚАУЛЫ ЕТЕДІ:

1. 2022 жылғы 20 қарашаға тағайындалған Қазақстан Республикасы Президентінің кезектен тыс сайлауына Шанхай ынтымақтастық ұйымынан байқаушылар миссиясының халықаралық байқаушысы Шао Чэньді және Ислам ынтымақтастығы ұйымының халықаралық байқаушысы Шакир Махмуд Бандар Бандарды Қазақстан Республикасы Орталық сайлау комиссиясының жанында аккредиттеу кері қайтарып алынсын.

2. Шанхай ынтымақтастық ұйымынан байқаушылар миссиясының халықаралық байқаушысы Шао Чэньнің және Ислам ынтымақтастығы ұйымының халықаралық байқаушысы Шакир Махмуд Бандар Бандардың куәліктері кері қайтарып алынсын.

3. «2022 жылғы 20 қарашаға тағайындалған Қазақстан Республикасы Президентінің кезектен тыс сайлауына халықаралық ұйымдар мен шет мемлекеттердің байқаушыларын аккредиттеу туралы» Қазақстан Республикасы Орталық сайлау комиссиясының 2022 жылғы 8 қарашадағы № 105/598 қаулысына мынадай өзгеріс енгізілсін:

аталған қаулымен бекітілген, 2022 жылғы 20 қарашаға тағайындалған Қазақстан Республикасы Президентінің кезектен тыс сайлауына Қазақстан Республикасы Орталық сайлау комиссиясының жанында аккредиттелген халықаралық ұйымдар байқаушыларының тізімінде (1-қосымша):

«4. Шанхай ынтымақтастық ұйымынан (ШЫҰ) байқаушылар миссиясы» бөлімінде реттік нөмірі 107 «16 Shao Chen» деген жол алынып тасталсын.

4. «2022 жылғы 20 қарашаға тағайындалған Қазақстан Республикасы Президентінің кезектен тыс сайлауына халықаралық ұйымдар мен шет мемлекеттердің байқаушыларын аккредиттеу туралы» Қазақстан Республикасы Орталық сайлау комиссиясының 2022 жылғы 31 қазандағы № 103/594 қаулысына мынадай өзгеріс енгізілсін:

аталған қаулымен бекітілген, 2022 жылғы 20 қарашаға тағайындалған Қазақстан Республикасы Президентінің кезектен тыс сайлауына Қазақстан Республикасы Орталық сайлау комиссиясының жанында аккредиттелген халықаралық ұйымдар байқаушыларының тізімінде (1-қосымша):

«Ислам ынтымақтастығы ұйымы (ИЫҰ)» бөлімінде реттік нөмірі 43 «2 Shakir Mahmood Bandar Bandar» деген жол алынып тасталсын.

5. Осы қаулы Қазақстан Республикасының Сыртқы істер министрлігіне, сондай-ақ облыстардың, республикалық маңызы бар қалалардың және астананың сайлау комиссияларына жеткізілсін.

6. Осы қаулының орындалуын бақылау Қазақстан Республикасының Орталық сайлау комиссиясының хатшысы М.Т. Ерманға жүктелсін.

Астана қаласы

2022 жылғы 14 қараша

№ 106/599