2022 жылғы 20 қарашаға тағайындалған Қазақстан Республикасы Президентінің

кезектен тыс сайлауына халықаралық ұйым  

байқаушыларын аккредиттеуді кері қайтарып алу туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық Заңының 20-2-бабына сәйкес, Қазақстан Республикасы Сыртқы істер министрлігінің 2022 жылғы 5 қарашадағы № 14/74398 ұсынымының негізінде Қазақстан Республикасының Орталық сайлау комиссиясы ҚАУЛЫ ЕТЕДІ: 

1. 2022 жылғы 20 қарашаға тағайындалған Қазақстан Республикасы Президентінің кезектен тыс сайлауына Түркі мемлекеттері ұйымынан байқаушылар миссиясының халықаралық байқаушылары Хатисе Озге Пан мен Дастан Урманбетовтің Қазақстан Республикасы Орталық сайлау комиссиясының жанында аккредиттеу кері қайтарып алынсын.

2. Түркі мемлекеттері ұйымынан байқаушылар миссиясының халықаралық байқаушылары Хатисе Озге Панның және Дастан Урманбетовтің куәліктері кері қайтарып алынсын.

3. «2022 жылғы 20 қарашаға тағайындалған Қазақстан Республикасы Президентінің кезектен тыс сайлауына халықаралық ұйымдар мен шет мемлекеттің байқаушыларын аккредиттеу туралы» Қазақстан Республикасы Орталық сайлау комиссиясының 2022 жылғы 17 қазандағы № 92/577 қаулысына мынадай өзгерістер енгізілсін: 

аталған қаулымен бекітілген, 2022 жылғы 20 қарашаға тағайындалған Қазақстан Республикасы Президентінің кезектен тыс сайлауына Қазақстан Республикасы Орталық сайлау комиссиясының жанында аккредиттелген халықаралық ұйымдар байқаушыларының тізімінде (1-қосымша): 

«4. Түркі мемлекеттері ұйымынан байқаушылар миссиясы» бөлімінде реттік нөмірі 38 «2 Hatice Özge Pan» деген жол алынып тасталсын; 

«4. Түркі мемлекеттері ұйымынан байқаушылар миссиясы» бөлімінде реттік нөмірі 39 «3 Dastan Urmanbetov» деген жол алынып тасталсын. 

3.  Осы қаулы Қазақстан Республикасының Сыртқы істер министрлігіне, сондай-ақ облыстардың, республикалық маңызы бар қалалардың және астананың сайлау комиссияларына жеткізілсін. 

4. Осы қаулының орындалуын бақылау Қазақстан Республикасының Орталық сайлау комиссиясының хатшысы М.Т. Ерманға жүктелсін.

Астана қаласы 

2022 жылғы 8 қараша  

№ 105/597