Сухраб Аминжанович Мырзашовты Қазақстан Республикасының Президенттігіне кандидат ретінде тіркеуден бас тарту туралы
Қазақстан Республикасы Конституциясының 41-бабының 2-тармағына, «Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 54-бабына, 59-бабы 7-тармағының 3) тармақшасына сәйкес және Қазақстан Республикасы Орталық сайлау комиссиясына келіп түскен құжаттардың негізінде Қазақстан Республикасы Орталық сайлау комиссиясы ҚАУЛЫ ЕТЕДІ:
1. Қазақстан Республикасының Президенттігіне кандидат Сухраб Аминжанович Мырзашов Қазақстан Республикасы Конституциясының және «Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының талаптарына сәйкес емес деп белгіленсін.
2. Сухраб Аминжанович Мырзашовты Қазақстан Республикасының Президенттігіне кандидат ретінде тіркеуден бас тартылсын.



Қазақстан Республикасы
Орталық сайлау комиссиясының
Төрағасы
Қ. Тұрғанқұлов

Қазақстан Республикасы
Орталық сайлау комиссиясының
хатшысы
Б. Мелдешов

Астана қ.
2015 жылғы 06 наурыздағы № 2/4