2022 жылғы 20 қарашаға тағайындалған 

Қазақстан Республикасы Президентінің кезектен тыс сайлауында 

Қазақстан Республикасының Президенттігіне кандидаттың 

республикалық бюджет қаражатынан жабылатын шығыстарының 

мөлшерлерін белгілеу туралы

«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңының 28-бабының 3-тармағына, 33-бабының 2-тармағына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Қазақстан Республикасының Президенттігіне кандидаттың республикалық бюджет қаражатынан жабылатын шығыстарының мынадай мөлшерлері белгіленсін: 

1) бағдарламаны теледидар, радио арқылы баяндау және мерзімді баспасөз басылымдарында екі мақала жариялау - 9 012 600 (тоғыз миллион он екі мың алты жүз) теңге;

2) сайлау алдындағы жария іс-шараларды өткізу және үгіт материалдарын шығару – 800 000 (сегіз жүз мың) теңге;

3) көліктік шығыстар - 500 000 (бес жүз мың) теңге.

2. Осы қаулы Қазақстан Республикасы Орталық сайлау комиссиясының интернет-ресурсында жариялансын.

Астана қаласы, 

2022 жылғы 28 қыркүйек 

№ 72/556