2022 жылғы 20 қарашаға тағайындалған Қазақстан Республикасы Президентінің кезектен тыс сайлауы үшін Қазақстан Республикасының Президенттігіне кандидаттарға қол қою парақтарын дайындау туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12-бабы 1) тармақшасына, 56-бабының 2 және 6-тармақтарына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:  

1. Қазақстан Республикасының Президенттігіне кандидатты қолдап қойылатын рас қолдардың қажетті саны Қазақстан Республикасы сайлаушы азаматтарының Бірыңғай электрондық тізіліміне сәйкес сайлаушылардың жалпы санынан кемінде бір пайыз болатын  кемінде 118 273 қол мөлшерінде белгіленсін.

2. Қазақстан Республикасы Орталық сайлау комиссиясы аппараты қол қою парақтарын бір орталықтан дайындасын және Қазақстан Республикасының Президенттігіне әрбір кандидатты олардың қажетті санымен қамтамасыз етуді ұйымдастырсын.

3. Осы қаулының орындалуын бақылау Қазақстан Республикасы Орталық сайлау комиссиясының хатшысы М.Т. Ерманға жүктелсін. 

Астана қаласы, 

2022 жылғы 26 қыркүйек 

№ 69/549