2022 жылғы 20 қарашаға тағайындалған Қазақстан Республикасы Президентінің кезектен тыс сайлауында мүгедектігі бар адамдар болып табылатын сайлаушылардың дауыс беруі үшін жағдайларды қамтамасыз етудің кейбір мәселелері туралы

«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңының 12-бабының 1), 2) тармақшаларына, 48-бабының 2-1-тармағына, Қазақстан Республикасы Президентінің 1996 жылғы 11 қарашадағы № 3205 Жарлығымен бекітілген Қазақстан Республикасының Орталық сайлау комиссиясы туралы Ереженің 15-тармағының 70) тармақшасына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Облыстардың, республикалық маңызы бар қалалардың және Қазақстан Республикасы астанасының әкімдері мүгедектігі бар адамдар болып табылатын сайлаушылардың қажеттіліктерін ескере отырып, сайлау учаскелерін жарақтандыру жөнінде шаралар қабылдасын.

2. Жергілікті    атқарушы    органдар    мүгедектігі   бар    адамдар   болып табылатын сайлаушылардың дауыс беруі үшін жағдайларды қамтамасыз ету жөніндегі жұмыста сайлау комиссияларына жәрдем көрсетсін.

3. Қазақстан Республикасының Еңбек және халықты әлеуметтік қорғау министрлігі жергілікті атқарушы органдармен бірлесіп, дауыс беру кезінде ерекше жағдайлар қажет мүгедек адамдар болып табылатын сайлаушылар туралы мәліметтерді, «Қолжетімді орта» интерактивті порталындағы сайлау учаскелері туралы мәліметтерді өзектендірсін.

4. Осы қаулы Қазақстан Республикасы Орталық сайлау комиссиясының интернет-ресурсында жариялансын.

5. Осы қаулының орындалуын бақылау Қазақстан Республикасы Орталық сайлау комиссиясының мүшесі А. Г. Щегорцоваға жүктелсін.

Астана қаласы, 

2022 жылғы 26 қыркүйек 

№ 69/548