«Аумақтық сайлау комиссияларының сайлау науқандарын өткізуге бюджеттік өтінімдерді жасау және Қазақстан Республикасының Орталық сайлау комиссиясына ұсыну қағидаларын бекіту туралы » Қазақстан Республикасы Орталық сайлау комиссиясының 2018 жылғы 25 тамыздағы № 12/200 қаулысына өзгерістер мен толықтырулар енгізу туралы

Қазақстан Республикасының Қазақстан Республикасындағы сайлау туралы 1995 жылғы 28 қыркүйектегі Конституциялық заңының 12-бабының 4-тармақшасына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. «Аумақтық сайлау комиссияларының сайлау науқандарын өткізуге бюджеттік өтінімдерді жасау және Қазақстан Республикасының Орталық сайлау комиссиясына ұсыну қағидаларын бекіту туралы» Қазақстан Республикасы Орталық сайлау комиссиясының 2018 жылғы 25 тамыздағы № 12/200 қаулысына мынадай өзгерістер мен толықтырулар енгізілсін:

5-тармақ келесі редакцияда мазмұндалсын:

«5. Бюджеттік өтінім (қажеттілік есебі) осы Қағидаларға 1,1-1,2,3,4,5,6, 6-1,7,8-қосымшаларға сай нысандар бойынша сайлау науқанын өткізуге арналған қаражаттың қажеттілік есептері негізінде жасалады.»;

10-тармақ келесі редакцияда мазмұндалсын:

«10. Қажеттілік есептері осы Қағидаларға 1-1,2,3,4,5,6,6-1 және 7-қосымшаларға сай бюджет шығыстарының экономикалық сыныптамасының әрбір ерекшелігі бойынша ұсынылады;

Мынадай мазмұндағы 10-1-тармақпен толықтырылсын:

«10-1. 142 «Дәрілік заттар мен медициналық мақсаттағы өзге де бұйымдарды сатып алу» ерекшелігі бойынша қажеттілік есебі Аумақтық сайлау комиссиясының осы Қағиданың 1-1-қосымшасына сәйкес нысан бойынша бір және көп рет пайдаланылатын медициналық мақсаттағы бұйымдарды сатып алу бойынша шығыстарды қамтиды.» осы Қаулының 1-қосымшасына сәйкес.

15-тармақ мынадай редакцияда жазылсын:

«159 «Өзге қызметтер мен жұмыстарға ақы төлеу» ерекшелігі бойынша қажеттілік есебі жеке және заңды тұлғалардың көрсеткен жұмыстары мен қызметтеріне ақы төлеу шығыстарын қамтиды және Аумақтық сайлау комиссиясының жеке және заңды тұлғалардың көрсеткен жұмыстары мен қызметтеріне ақы төлеу қажеттілігі есебіне сай осы Қағидаларға                                     6, 6-1-қосымшаларына сай нысан бойынша жасалады.

Осы есепте шығыстардың сомасы көрсетiледi, сондай-ақ шығыстардың негізгі түрлерi бойынша таратып жазу келтiрiледі:

қызметкерлердiң еңбекақысы - осы жол бойынша қызметтерді көрсетуге және жұмыстарды орындауға қатысатын жұмыскерлердiң еңбекақысы көрсетiледi (жұмыскерлердің еңбекақысынан ұсталатын жеке табыс салығы, бірыңғай жинақтаушы зейнетақы қорына мiндеттi жарналар сондай-ақ осы жол бойынша көрсетіледі). Еңбекақы төлеу шығыстарын есептеу кезінде «Қазақстан Республикасындағы сайлау туралы» Қазақстан Республикасының Конституциялық заң нормаларының талаптарын сақтау қажет;

мемлекеттiк әлеуметтiк сақтандыру қорына әлеуметтiк аударымдар;

әлеуметтік салық;

әлеуметтiк медициналық сақтандыру қорына міндетті әлеуметтiк медициналық сақтандыру аударымдары;

«Қазақстан Республикасының кейбір заңнамалық актілеріне зейнетақымен қамсыздандыру мәселелері бойынша өзгерістер мен толықтырулар енгізу туралы» Қазақстан Республикасының Заңына сәйкес қолданысқа енгізілетін міндетті кәсіби зейнетақы жарналары;

мемлекет ішіндегі iскерлік және қызметтік сапарлар;

өзге қорларды сатып алу;

банк қызметтері;

өзге де қызметтер мен жұмыстар;

үй-жайды жалдау осы Қағиданың 6-1-қосымшасына сәйкес нысан бойынша.» осы Қаулының 2-қосымшасына сәйкес.

19-тармақтың бірінші абзацы мынадай редакцияда жазылсын:

«19. Облыстық (республикалық маңызы бар қалалар мен астананың) сайлау комиссиялары кезектi жоспарлы кезеңге бюджеттік өтінімдерін (қажеттілік есептерін) ағымдағы қаржылық жылғы 15 ақпанға дейінгі мерзімде енгізілген төмен тұрған аумақтық сайлау комиссияларының бюджеттік өтінімдері (қажеттілік есептері) негізінде, ағымдағы қаржылық жылғы 15 наурызға дейінгі мерзімде ұсынады.»;

20-тармақ мынадай редакцияда жазылсын:

 «20. Облыстық (республикалық маңызы бар қалалар мен астана) сайлау комиссиялары бюджеттік өтінімді (қажеттілік есебін) түсіндірме жазбасымен бірге Ортсайлаукомға электронды  құжатайналымы жүйесі арқылы енгізеді.».

2. Қазақстан Республикасы Орталық сайлау комиссиясының Халықаралық құқықтық бөлімі:

1) Осы қаулының Қазақстан Республикасының Әділет министрлігінде мемлекеттік тіркелуін қамтамасыз етсін;

2) Осы қаулы ресми жарияланғаннан кейін оны Қазақстан Республикасы Орталық сайлау комиссиясының интернет-ресурсында орналастыруды қамтамасыз етсін.

3. Осы қаулы алғашқы ресми жарияланған күнінен бастап қолданысқа енгізіледі.

Қосымша...

Төраға	Н. Әбдіров
Хатшы	М. Ерман

Нұр-Сұлтан қаласы,

2022 жылғы 12 шілде,

№ 53/522

«КЕЛІСІЛДІ»

Қазақстан Республикасының

Қаржы министрлігі

«КЕЛІСІЛДІ»

Қазақстан Республикасының

Ұлттық экономика министрлігі