Қазақстан Республикасы Парламенті Мәжілісінің депутаты Қ.С. Мусиннің өкілеттігін тоқтатуға әкелетін негіздің туындағаны туралы

Қазақстан Республикасы Конституциясының 52-бабына, «Қазақстан Республикасының Парламенті және оның депутаттарының мәртебесі туралы» 1995 жылғы 16 қазандағы Қазақстан Республикасы Конституциялық Заңының 24-бабы 2, 3 және 8-тармақтарына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Қазақстан Республикасы Парламенті Сенатының «Қ.С. Мусин туралы» 2021 жылғы 10 маусымдағы № 96-VII ПС қаулысына сәйкес Қазақстан Республикасы Жоғарғы Сотының судьясы қызметіне сайлануына байланысты Қазақстан Республикасы Парламенті Мәжілісінің депутаты Қанат Сергейұлы Мусиннің өкілеттігін мерзімінен бұрын тоқтатуға әкелетін негіз туындады деп белгіленсін.

2. Қазақстан Республикасы Парламенті Мәжілісінің депутаты Қ.С. Мусиннің өкілеттігін мерзімінен бұрын тоқтату туралы ұсыным Қазақстан Республикасы Парламентінің Мәжілісіне енгізілсін.

Нұр-Сұлтан қаласы,

2021 жылғы 14 маусым,

№ 3/405