03.09.2018 |
2018 жылғы 5 қазанға тағайындалған Қазақстан Республикасы
Парламентінің Сенаты депутаттарының сайлауында Қазақстан
Республикасы Парламенті Сенатының депутаттығына кандидаттың
республикалық бюджет қаражатынан жабылатын шығыстарының
мөлшерлерін белгілеу туралы
«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 28-бабының 3-тармағына, 33-бабының 2-тармағына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:
1. Қазақстан Республикасы Парламенті Сенатының депутаттығына кандидаттың республикалық бюджет қаражатынан жабылатын шығыстарының мынадай мөлшерлері белгіленсін:
1) бағдарламаны теледидар арқылы баяндау – 170 000 (жүз жетпіс мың) теңге сомасында;
2) бағдарламаны радио арқылы баяндау – 80 000 (сексен мың) теңге сомасында;
3) баспа басылымдарында екі мақала жариялау – 130 000 (жүз отыз мың) теңге сомасында;
4) сайлау алдындағы жария іс-шараларды өткізу және үгіт материалдарын шығару – 70 000 (жетпіс мың) теңге сомасында;
5) Шымкент қаласы үшін көлік шығыстары – 100 000 (жүз мың) теңге сомасында.
2. Осы қаулы Шымкент қаласының аумақтық сайлау комиссиясына жіберілсін.
3. Шымкент қаласының аумақтық сайлау комиссиясы осы қаулыны тіркелген Қазақстан Республикасы Парламенті Сенатының депутаттығына кандидаттардың назарына жеткізсін.
Төраға Б. Имашев
Хатшы С. Мұстафина
Астана қаласы,
2018 жылғы 3 қыркүйек
№ 14/205