10.08.2018 |
Шымкент қаласынан Қазақстан Республикасы Парламенті Сенатының
депутаттарын сайлау жөніндегі сайлау құжаттарының
нысандарын бекіту туралы
«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12-бабы негізінде Қазақстан Республикасы Орталық сайлау комиссиясы ҚАУЛЫ ЕТЕДІ:
1. Қоса беріліп отырған сайлау құжаттарының нысандары:
1) Шымкент қаласынан Қазақстан Республикасы Парламенті Сенатының депутаттарын сайлау жөніндегі сайлау бюллетені осы қаулыға 1-3 қосымшаларға сай;
2) Шымкент қаласынан Қазақстан Республикасы Парламенті Сенатының депутаттарын сайлау жөніндегі дауыстарды санаудың нәтижелері туралы сайлау комиссиясының хаттамасы осы қаулыға 4-қосымшаға сай;
3) Шымкент қаласынан Қазақстан Республикасы Парламенті Сенатының депутаттарын сайлаудағы дауыстарды санаудың нәтижелері туралы хабар осы қаулыға 5-қосымшаға сай бекітілсін.
2. Осы қаулы Қазақстан Республикасы Парламенті Сенатының депутаттарын сайлауды әзірлеу мен өткізуді қамтамасыз ету үшін Шымкент қаласының сайлау комиссиясына жіберілсін.
3. Осы қаулы 2018 жылғы 10 тамыздан бастап қолданысқа енгізіледі және 2018 жылғы 6 қазанға дейін қолданалады.
Төраға Б. Имашев
Хатшы С. Мұстафина
№ 10/191