28.10.2005 |
Қазақстан Республикасы Президентінің кезекті сайлауын 2005 жылы өткізу кезінде электрондық сайлау жүйесі пайдаланылатын сайлау учаскелерін айқындау туралы
"Қазақстан Республикасындағы сайлау туралы" Қазақстан Республикасының 1995 жылғы 28 қыркүйектегі Конституциялық заңының 12, 50-1 баптарына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:
1. Қазақстан Республикасы Президентінің кезекті сайлауын 2005 жылы өткізу кезінде сайлау учаскелерінде электрондық сайлау жүйесінің пайдаланылуы қосымшаға сай айқындалсын.
2. «Электрондық сайлау жүйесі пайдаланылатын сайлау округтері мен сайлау учаскелерін айқындау туралы» Қазақстан Республикасы Орталық сайлау комиссиясының 2004 жылғы 17 қыркүйектегі № 138/200 қаулысының күші жойылды деп танылсын.
3. Электрондық сайлау жүйесі дауыс беруге арналған үй-жайдан тыс жерде дауыс беру кезінде қолданылмайтын болып белгіленсін.
4. Учаскелік сайлау комиссиялары электрондық сайлау жүйесін пайдалану кезінде сайлаушыларға дауыс беру тәсілін таңдау құқығын берсін.
5. Осы қаулы облыстардың, Астана, Алматы қалаларының әкімдеріне, облыстардың, Астана, Алматы қалаларының сайлау комиссияларына жіберілсін.
Төраға О. Жұмабеков
Астана, 2005 жылғы 28 қыркүйек
№ 23/49