Хайрулла Мағауияұлы Габжалиловті Қазақстан Республикасының 

Президенттігіне кандидат ретінде тіркеуден бас тарту туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 54-бабына, 59-бабының 7-тармағының 3) тармақшасына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Қазақстан Республикасының Президенттігіне кандидат Хайрулла Мағауияұлы Габжалилов Қазақстан Республикасының Конституциясында және «Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңында оған қойылатын талаптарға сәйкес емес деп белгіленсін.

2. Хайрулла Мағауияұлы Габжалиловті Қазақстан Республикасының Президенттігіне кандидат ретінде тіркеуден бас тартылсын.

Астана қаласы

2022 жылғы 13 қазан

№ 86/570