22.02.2019 |
Қазақстан өкілдері Молдова Республикасы Парламентінің депутаттарын сайлауын байқауға қатысады
2019 жылғы 22-26 ақпан аралығында Қазақстан Республикасының 11 өкілі Молдова Республикасы Парламентінің депутаттарын сайлауын байқауға қатысады, олардың екеуі Молдова Республикасы Орталық сайлау комиссиясының шақыруымен, ТМД байқаушылар миссиясының құрамында алтау, ЕҚЫҰ/ДИАҚБ Миссиясының құрамында біреу, ТМД Парламентаралық Ассамблеясының құрамында екеу.
Молдова Республикасы Орталық сайлау комиссиясының шақыруы бойынша ҚР ОСК хатшысы Сәбила Мұстафина, ҚР ОСК мүшесі Зәуреш Баймолдина ТМД байқаушылар миссиясының үйлестірушілері Кеңесінің мүшесі болып, ТМД байқаушылар миссиясының құрамында ҚР байқаушыларының делегациясын басқарады.
ТМД байқаушылар миссиясына Қазақстан Республикасы Президенті Әкімшілігінің, Қазақстан Республикасы Орталық сайлау комиссиясының және Шығыс Қазақстан облысының өкілдері қатысады.
Айта кету керек, Қазақстан Республикасының өкілдері Кишиневте, сондай-ақ Криулени, Анений-Ной, Каушан және Стефан-Вода қалаларында байқау жүргізетін болады.
2019 жылғы 24 ақпанда Молдова парламентіне сайлау аралас жүйе бойынша бірінші рет өткізіледі. Депутаттардың жартысы партиялық тізімдер бойынша, ал жартысы бір мандатты округтер бойынша сайланады.