ҚР ОСК Төрағасы Нұрлан Әбдіровтің Қырғызстан ОСК  

Төрағасы Нұржан Шайдабековамен кездесуі өтті

Қазақстан Республикасы Президентінің сайлауы қарсаңында а.ж. 19 қарашасында Қазақстан Республикасы Орталық сайлау комиссиясының Төрағасы Нұрлан Әбдіров Қырғызстан ОСК Төрағасы Нұржан Шайлдабековамен кездесті. 

Кездесу барысында Ортсайлауком Төрағасы Нұрлан Әбдіров Нұржан Шайлдабекованы сайлау науқанының негізгі кезеңдерінің ерекшеліктерімен, атап айтқанда Президенттікке кандидаттарды ұсыну және тіркеу қорытындыларымен, сайлау алдындағы үгіт барысымен, сайлаушылар мен сайлау учаскелерінің санымен, Қазақстан Республикасы Президентінің сайлауына халықаралық байқаушыларды аккредиттеу қорытындыларымен таныстырды. 

Өз кезегінде Нұржан Шайлдабекова берілген ақпарат үшін алғысын білдіріп, сайлау комиссияларының мүшелеріне сайлау өткізуде табыс тіледі.