Қазақстан Республикасы Орталық сайлау комисиясының отырысы болды

2018 жылғы 17 қыркүйекте Б. Имашевтың төрағалығымен Қазақстан Республикасы Орталық сайлау комиссиясының отырысы болды.

ОСК мүшелері Шымкент қаласынан Қазақстан Республикасы Парламенті Сенатының депутаттығына кандидаттарды ұсыну және тіркеу қорытындыларын қарады.

Ортсайлауком бекіткен Қазақстан Республикасы Парламенті Сенатының депутаттарын сайлауды әзірлеу мен өткізу жөніндегі негізгі іс-шаралардың күнтізбелік жоспарына сай кандидаттарды ұсыну ағымдағы жылғы 11 тамыздан бастап 4 қыркүйек аралығындағы кезеңде болды. Кандидаттарды тіркеу 14 қыркүйекте аяқталды.

Шымкент қаласының аумақтық сайлау комиссиясының деректері бойынша барлығы 9 кандидат ұсынылды. Оның ішінде 2 адамды Шымкент қаласының мәслихаты ұсынды, 7 – өзін-өзі ұсыну тәртібімен.

ҚР Парламенті Сенатының депутаттығына 8 кандидат тіркелді. Тіркелген кандидаттардың сайлау алдындағы үгіті а.ж. 15 қыркүйекте басталып, 4 қазан күнгі 00-00 сағатқа дейін созылады.

Жалпы сайлау науқаны Қазақстан Республикасының сайлау заңнамасына сәйкес өтті.

Отырыс барысында ОСК мүшелері сондай-ақ а.ж. 5 қазанда ҚР Парламенті Сенатының депутаттарын сайлауды электрондық сүйемелдеу үшін Ортсайлаукомның интернет-ресурсы функционалын пайдалану туралы мәселені қарады.

Қазақстан Республикасы Президентінің Жарлығына сай 2018 жылғы 5 қазанда Шымкент қаласынан Қазақстан Республикасы Парламенті Сенатының депутаттарын сайлау болатынын естеріңізге саламыз. Сайлау Парламент Сенаты депутаттарының екі мандаты бойынша бір мезгілде өткізілетін болады. Шымкент қаласынан сайланатын Парламент Сенаты депутаттарының өкілеттік мерзімі 2014 және 2017 жылдары республиканың басқа өңірлерінен сайланған Сенат депутаттарының өкілеттік мерзіміне сәйкес келетін болады.

Отырыс барысында ОСК мүшелері сондай-ақ а.ж. 5 қазанда ҚР Парламенті Сенатының депутаттарын сайлауды электрондық сүйемелдеу үшін Қазақстан Республикасы Орталық сайлау комиссиясы Интернет-ресурсының функционалын пайдалану және бекіту туралы мәселені қарады.

Бұл ақпараттық технологияның ерекшелігі - таңдаушыларды электрондық тіркеуді жүргізуінде, олардың келуін және дауыс беруінің алдын ала қорытындыларын көрсетуінде.

Дауыс берудің алдын ала нәтижелерін «Дауыс берудің алдын ала нәтижелері» парағында көру үшін дауыс берудің алдын ала нәтижелерінің диаграммасы және Қазақстан Республикасы Парламенті Сенатының сайланған депутаты туралы қысқаша ақпарат фотосуретімен бірге көрсетілетін болады, оларды сайт пайдаланушыларының барлығы нақты уақыт режимінде қадағалай алады.

Сайтқа кірушілер үшін Ортсайлаукомның интернет-ресурсының бастапқы бетінде дауыс беру күні - 2018 жылғы 5 қазан күні сағат 8:00-де қосылатын «Шымкент қаласынан Қазақстан Республикасы Парламенті Сенатына депутаттарды сайлауға таңдаушылардың келуі» баннерлері қолжетімді болады.