Қазақстан мен Әзербайжан Республикасының Орталық сайлау комиссиялары басшыларының кездесуі өтті

2018 жылғы 10 сәуірде Баку қ. Қазақстан Республикасы Орталық сайлау комиссиясының төрағасы Берік Имашевпен Әзербайжан Республикасы Орталық сайлау комиссиясының төрағасы Мазахир Панаховтың кездесуі өтті.

Б. Имашев М. Панаховқа Әзербайжан Республикасындағы 2018 жылғы 11 сәуірдегі президенттік сайлауға бақылаушы ретінде қатысуға шақырғаны үшін алғыс білдірді.

Әзербайжан Ортсайкомының басшысы ОСК және сайлау комиссияларының сайлау күніне дайындығы жайлы xабарлады.

ҚР ОСК басшысы осы сайлауға Қазақстанның атынан ТМД, ДИАҚБ/ЕҚЫҰ, Түркі кеңесі (ТМЫК), Түркітілдес мемлекеттердің Парламенттік Ассамблеясы (ТүрікПА), ТМД, ЕҚЫҰ миссиясы құрамында және ОСК мен Әзербайжанның Милли меджлісінің шақыртуы бойынша барлығы 57 адам бақылаушы ретінде келгенін атап өтті.

Кездесу барысында тараптар Қазақстан мен Әзербайжанның сайлау органдарының арасында сайлау процесстерін жетілдіру бойынша екіжақты ынтымақтастық мәселелерін сөз етті.