Орталық сайлау комиссиясы мүгедектердің сайлау құқықтарын жүзеге асыру мәселелері бойынша дөңгелек үстел өткізді

2018 жылғы 15 наурызда Қазақстан Республикасы Орталық сайлау комиссиясы ЕҚЫҰ Астанадағы бағдарламалар офисімен бірге «Қазақстан Республикасындағы мүмкіндіктері шектеулі азаматтардың сайлау құқығын жүзеге асыру мәселелері: қазақстандық және халықаралық тәжірибе» атты дөңгелек үстел өткізді.

Дөңгелек үстелді өткізудің басты мақсаты сайлау және референдум кезінде Қазақстан Республикасындағы мүгедек санатындағы азаматтардың сайлау құқықтарының жүзеге асырылуын қамтамасыз ету мәселелерін, сондай-ақ сайлау құқықтарын жүзеге асырудың жаңа мүмкіндіктері мен тәжірибелерін қарастыру болып табылады.

Дөңгелек үстел жұмысына ҚР ОСК мүшелері, ҚР Парламенті Мәжілісінің депутаттары, еңбек және халықты әлеуметтік қорғау, әділет министрлігінің, орталық және жергілікті атқарушы органдардың, облыстық, Астана және Алматы қалаларының аумақтық сайлау комисссияларының, ҚР Адам құқықтары жөніндегі ұлттық орталықтың, халықаралық ұйымдардың, ҚР-дағы дипломатиялық миссиялардың, мүгедектер қоғамдық бірлестіктерінің өкілдері қатысты.

Қазақстан Республикасы Орталық сайлау комиссиясының төрағасы Б. Имашев Қазақстан Республикасы Коснтитуциясы бойынша әрбір азаматқа сайлау және сайлану құқығына кепілдік берілетінін атап өтті. Сайлау органдары мүмкіндіктері шектеулі азаматтардың сайлау процесстеріне толыққанды қатысуларын қамтамасыз етуі тиіс.

Сонымен қатар, Б.Имашев Орталық сайлау комиссиясымен мүмкіндіктері шектеулі азаматтардың құқытарының сақталу стандартына сәйкес сайлау құқықтарын жүзеге асыруы үшін арнайы жағдайлар жасау мақсатымен қызғушылық танытқан мемлекеттік және мемлекеттік емес ұйымдарға методикалық, үйлестіруші көмек көрсетуге іс-шаралар жиынтығының жүзеге асырылатынын айтты.

ЕҚЫҰ Астанадағы бағдарламалар офисі басшысы Д. Сабо ЕҚЫҰ елдерінің Мүгедектердің сайлау құқығы бойынша БҰҰ Конвенциясын ратификациялауы мүмкіндігі шектеулі азаматтардың құқықтарын толыққанды жүзеге асыруын қамтамассыз етуге және қорғауға міндеттейтінін айтты. Тек қана міндеттемелермен шектелмей, мүгедектерге көзқарасымызды өзгертуіміз керек және оларды қоғамның ажырамас бөлігі ретінде, олардың да қоғамның даумына қосқан үлесін ескеруіміз керектігін де атап өтті.

Іс-шарада сондай-ақ, ҚР Ортсайлауком мүшесі Л.Сүлеймен, ҚР еңбек және халықты әлеуметтік қорғау вице-министрі С.Жақыпова, ҚР Парламенті Мәжілісінің депутаты, «Қазақстан мүгедектер конфедерациясы» РҚБ президенті Ж.Омарбекова. ЕҚЫҰ/ДИАҚБ-ның сайлау мәселелері бойынша сарапшысы П.Кабаченко, «Мүгедек әйелдердің «Шырақ» ассоцияциясы» ҚБ-нің төрайымы Л.Қалтаева, «Еркіндік қыраны» ҚБ директоры Е.Швецова және басқа да қоғамдық бірлестіктердің өкілдері сөз сөйледі.

Дөңгелек үстел барысында мүгедектердің сайлау құқықтарын жүзеге асырудағы жаңа мүмкіндіктері және сайлау органдарының қызметі мен мүгедектер қоғамдық бірлестіктерінің ұсынымдары тыңдалды. Дөңгелек үстел жұмысы мемлекеттік органдар мен мүгедектер қоғамдық бірлестіктерінің ашық диалогы аясында өтіп, жиын соңында қатысушылар мүгедектер сайлау құқығын жүзеге асырудағы Ортсайкомның оң қызметін атап өтті.