БАСПАСӨЗ РЕЛИЗІ

2016 жылғы 22 қаңтарда Қазақстан Республикасы Орталық сайлау комиссиясының отырысы болды

22 қаңтарда Қазақстан Республикасы Орталық сайлау комиссиясының отырысы болды, онда «2016 жылғы 20 наурызға тағайындалған Қазақстан Республикасы Парламенті Мәжілісі депутаттарының кезектен тыс сайлауындағы және мәслихаттары депутаттарының кезекті сайлауындағы шет мемлекеттердің, халықаралық ұйымдардың байқаушылары, шетелдік бұқаралық ақпарат құралдарының өкілдері қызметінің кейбір мәселелері туралы» қаулы қабылданды.

Аталған қаулыға сәйкес шет мемлекеттің, халықаралық ұйымның байқаушысына, сондай-ақ шетелдік бұқаралық ақпарат құралының өкіліне бір аудармашы өзінің жеке басын куәландыратын құжатын көрсеткен кезде ілесіп жүре алады.

Сондай-ақ шетелдік бұқаралық ақпарат құралдарының өкілдері Қазақстан Республикасы Сыртқы істер министрлігі берген аккредиттеу туралы куәлігі болған кезде сайлауда байқауды жүзеге асыратыны айқындалды.

Шет мемлекет, халықаралық ұйым байқаушылары үшін сауалнама мәтіні бекітіліп, оларды аккредиттеуді жүргізудің мерзімдері белгіленді (2016 жылғы 14 наурызға дейін).

Сонымен қатар сайлау туралы заңның  19-бабы 6-тармағының екінші бөлігіне және 8 - тармағына сәйкес Ортсайлауком сайлау заңнамасында белгіленген тәртіппен сайланғанға дейін шығып қалғандардың орнына Жамбыл облыстық сайлау комиссиясының мүшесі етіп Ж.Б. Сариевті, Қызылорда облыстық сайлау комиссиясының мүшесі етіп Р.П. Чагайды, Оңтүстік Қазақстан облыстық сайлау комиссиясының мүшесі етіп О.У. Сағымбекованы тағайындады.