16 тамызда Орталық сайлау комиссиясы жас мемлекеттік қызметшілер арасында сайлау заңнамасының конституциялық негіздерін білуге арналған акция өткізеді

2019 жылғы 16 тамызда Қазақстан Республикасы Орталық сайлау комиссиясы Жас мемлекеттік қызметшілер арасында сайлау заңнамасының конституциялық негіздерін білуге арналған акция өткізеді. Алғаш рет ұйымдастырылған іс-шара Қазақстан Республикасының Конституция Күніне орайластырылып, жастар жылы аясында бастамашылық жасалды.

Акцияны өткізудің негізгі мақсаты жас сайлаушылардың қазақстандық мемлекеттік қызметшілердің электораттық-құқықтық сауаттылығын арттыру болып табылады.

Қашықтықтан оқыту мен онлайн-тестілеудің таңдалған форматы ауылдық округтер әкімдері аппараттарының қызметкерлерін қоса алғанда, орталық және өңірлік атқарушы органдардың түрлі деңгейдегі мемлекеттік қызметшілерін бір мезгілде қамтуды кеңейтуге мүмкіндік береді.

Акцияға мемлекеттік қызмет өтіліне қарамастан 29 жасқа дейінгі жас мемлекеттік қызметшілер қатысады.

Акция барысында қатысушылар ұсынылған оқу материалдарымен танысады және сайтта тіркелгеннен кейін ҚР ОСК интернет-ресурсының интерактивті платформасында онлайн-режимде сұрақтарға жауап береді.

Онлайн-режімдегі тест мазмұнын ҚР ОСК аппаратының электораттық оқытуды ұйымдастыру бөлімімен әзірлеген 40 тест тапсырмасынан тұрады.

Тестілеу нәтижелері жинаған балл саны бойынша автоматты түрде қалыптастырылады (1 дұрыс жауап - 1 балл) және оның негізінде акция қорытындысы белгіленетін хаттамаға енгізіледі. Тестілеу нәтижесінде жинаған балдар тең болған жағдайда тестке жұмсалған уақыт саны ескеріледі.

Республика деңгейінде ең жоғары балл жинаған үш жеңімпаз анықталады. Бір жеңімпаздан әрбір министрлікте және облыс немесе республикалық маңызы бар қала деңгейінде анықталады.

Акция қорытындысы ҚР ОСК интернет-ресурсында жарияланады.

Акция жеңімпаздарын Конституция күнін мерекелеуге арналған іс-шаралар аясында салтанатты түрде марапаттау жоспарлануда.

Қазіргі уақытта іс-шараға 490 жас мемлекеттік қызметші қатысуда, олардың ішінде 67 министрліктердің өкілдері және 423 жергілікті атқарушы органдардың қызметкерлері.