15.08.2019 |
Қазақстан Республикасы Орталық сайлау комиссиясы Төрағасының Өзбекстан Республикасының Қазақстан Республикасындағы Төтенше және Өкілетті Елшісімен кездесуі болды
2019 жылғы 15 тамызда Қазақстан Республикасы Орталық сайлау комиссиясының Төрағасы Б.М. Имашев Өзбекстан Республикасының Қазақстан Республикасындағы Төтенше және Өкілетті Елшісі С. П. Ниязходжаевпен кездесті.
Ортсайлауком басшысы Б.М. Имашев Елші мырзаны Қазақстанның сайлау науқандарын өткізу жөніндегі тәжірибесімен және Қазақстан Республикасында сайлауды дайындау мен өткізу кезінде қолданылатын тетіктермен таныстырды. Бұдан басқа, кездесу барысында тараптар Қазақстан Республикасы мен Өзбекстан Республикасы арасындағы сайлау процесі саласындағы екіжақты ынтымақтастық мәселелерін талқылады.
Өзбекстан Республикасының Қазақстан Республикасындағы Төтенше және Өкілетті Елшісі С.П. Ниязходжаев кездесуді ұйымдастырғаны және жылы қабылдағаны үшін ҚР ОСК Төрағасы Б.М. Имашевқа алғысын білдірді, сондай-ақ көршілес елдер - Қазақстан мен Өзбекстанның сайлау органдарының одан әрі жемісті өзара іс-қимыл жүзеге асыратынына сенім білдірді.