БАСПАСӨЗ РЕЛИЗІ

ҚР ОСК мүшесі М.Сәрсембаев Оңтүстік Қазақстан мен Жамбыл облыстарында Қазақстан Республикасы Парламент Сенаты депутаттарының сайлауын ұйымдастыру мен өткізу мәселелері бойынша кеңестер жұмысына қатысады

2017 жылғы 17-18 мамырда Шымкент және Тараз қалаларында Қазақстан Республикасы Президентінің Жарлығымен 2017 жылғы 28 маусымға тағайындалған Парламент Сенаты депутаттарының сайлауы бойынша сайлау науқанын ұйымдастыру және өткізу мәселелеріне арналған кеңестер өтеді. Кеңестер жұмысына Қазақстан Республикасы Орталық сайлау комиссиясының мүшесі М.Сәрсембаев қатысады.

Оңтүстік Қазақстан мен Жамбыл облыстарында өтетін кеңестерде  алдағы Парламент Сенатының депутаттарын сайлауды ұйымдастыру мен өткізу, сондай-ақ сайлау науқанының барлық кезеңдерінде сайлау заңнамасы нормаларының сақталуын қамтамасыз ету мәселелері талқыланады.