09.05.2017 |
БАСПАСӨЗ РЕЛИЗІ
2017 жылғы 7 мамырда ҚР ОСК мүшелері К.В. Петров пен Л.Ж. Сүлеймен Сеул Халықаралық сайлау жөніндегі форумының жұмысына қатысты
2017 жылғы 7 мамырда Корея Республикасы Президентінің 19-сайлауын байқау бағдарламасының шеңберінде Қазақстан Республикасы Орталық сайлау комиссиясының мүшелері К.В. Петров пен Л.Ж. Сүлеймен Сеул Халықаралық сайлау жөніндегі форумына қатысты.
Сеул Халықаралық сайлау жүйесін жақсарту жөніндегі форумы Корея Республикасы Ұлттық сайлау комиссиясы ұйымдастырған жыл сайынғы халықаралық конференция болып табылады. Форум тұсаукесерлер мен белсенді пікірталастар өткізу арқылы әлемде сайлау жүйесін және демократияны жақсарту үшін сарапшылардың күшін біріктіруге бағытталған. Форумға әлемнің 30-дан астам елінен халықаралық ұйымдардың, сайлау органдарының мамандарын және университеттердің профессорларын қоса 140-қа жуық адам қатысты.
Форум шеңберінде ҚР ОСК өкілдері Корея Республикасы Ұлттық сайлау комиссиясының (ҰСК) Бас Хатшысы Ким Дай-Нионмен кездесті.
Кездесу барысында Ким Дай-Нион мырза Ортсайлауком өкілдеріне сайлау науқанына дайындық барысы туралы айтып, Корея Республикасы сайлау жүйесінің ерекшеліктерімен таныстырды.
ҰСК Бас Хатшысы Корея Республикасы сайлау органдарының жылдан жылға сайлау процесінің айқындығын қамтамасыз ететіндігін және ұлттық сайлау заңнамасының нормаларына жауап беретін сайлау өткізетіндігін айтты.
Қазақстандық тарап өз кезегінде кореялық тарапқа шақыру және Сеул Халықаралық форумы шеңберінде сайлаудың халықаралық тәжірибесін алғаны үшін алғысын білдірді.
Сондай-ақ 8 мамырда Ортсайлауком өкілдері Корея Демократия азаматтық білім беру институтында болып, Корея Республикасының электрондық сайлау жүйесімен танысты, сондай-ақ Корея Республикасы Ұлттық Ассамблеясында (Корея Республикасының Парламенті) болды.
Қазақстандық делегация өкілдері сайлаушыларды, оның ішінде бастауыш сынып оқушыларын, мигранттарды, әйелдерді, саяси партиялардың мүшелерін және болашақ көшбасшыларды оқытумен айналысатын Корея Демократия азаматтық білім беру институтының қызметіне зор қызығушылық танытты.
Бүгін, 9 мамырда – Корея Республикасының Президентін сайлау күні ҚР ОСК мүшелері К.В. Петров пен Л.Ж. Сүлеймен Сеул қаласында дауыс беруге арналған сайлау учаскелерін аралады және дауыстарды санауға қатысады.