15.03.2017 |
БАСПАСӨЗ РЕЛИЗІ
15 наурызда Ортсайлауком Төрағасы Б. Имашев
Астана қ. учаскелік сайлау комиссияларының мүшелерімен
сайлау заңнамасына өзгерістерді талқылады
2017 жылғы 15 наурызда Орталық сайлау комиссиясының Төрағасы Б. Имашев сайлау комиссияларының жұмысымен және олардың а.ж. 26 наурызда болатын республика мәслихаттарының шығып қалған депутаттарының орнына сайлауды өткізуге дайындығымен танысу мақсатында Астана қаласы №20 округінің №63 және №64 сайлау учаскелерінде болды.
Сайлау учаскелерін аралау барысында сайлау комиссияларының мүшелерімен а.ж. 13 наурызда Мемлекет Басшысы қол қойған «Қазақстан Республикасының Конституциясына өзгерістер мен толықтырулар енгізу туралы» 2017 жылғы 10 наурыздағы Қазақстан Республикасының Заңын іске асыру жөніндегі шаралар кешені туралы» Жарлық талқыланды.
Аталған Жарлықты іске асыру мақсатында Ортсайлауком «Қазақстан Республикасындағы сайлау туралы» және «Республикалық референдум туралы» конституциялық заңдарына өзгерістер енгізу жөніндегі ұсыныстар дайындауда.
Комиссия мүшелері сайлау заңнамасына өзгерістер енгізуді қажет ететін мәселелерді көтерді – учаскелік сайлау комиссияларының құрамы, олардың кәсіби негіздегі жұмысы, сайлаушылардың сайлау барысы кезінде комиссиялардың қызметіне сенімін арттыру, сайлаушылардың тізімдерімен жұмыс, дауыс беру рәсімдеріне инновациялық технологияларды енгізу жөнінде және т.б.