04.03.2017 |
БАСПАСӨЗ РЕЛИЗІ
1 наурызда Қазақстан Республикасы Орталық сайлау комиссиясының
мүшесі Сәбила Мұстафинаның Грузияға
жұмыс сапары аяқталды
2017 жылғы 27 ақпан – 1 наурыз аралығында Қазақстан Республикасы Орталық сайлау комиссиясының мүшесі С.С. Мұстафина сайлауды басқару органдарының жыл сайынғы «Инновациялық қызметтер және тиімді электораттық операциялар» тақырыбындағы 7-ші жиналысына қатысты.
Конференция барысында 15-тен астам елдер мен бірқатар халықаралық ұйымдардың өкілдері баяндама жасады.
Конференция түрлі сайлау органдарының тәжірибе алмасуына, барлық сайлаушылар үшін сайлауға қол жетімділік беретін, сайлауды әкімшіліктендіру процесін жеңілдететін, сайлау процесіне қатысушылардың сайлауға қатысуын кеңейтуге жәрдемдесетін, сондай-ақ дауыс беру процесінің ашықтығы мен қол жетімділігін қамтамасыз ететін инновацияларды талқылауға арналған алаң болды. Конференция қатысушыларға түрлі сайлау органдары арасындағы байланыстарды дамыту және ынтымақтастық орнату үшін кең мүмкіндіктер берді.
Сапар барысында Грузияның оқыту, сайлау жүйелерін дамыту және реформалау орталығының тәжірибесі зерделенді.
Орталықтың мақсаты мен міндеттері сайлау жүйесін жетілдіруге, электораттық рәсімдерге сайлаушылардың сенімін арттыруға, транспаренттік сайлауды тиімді ұйымдастыруға және электораттық оқытуды дамытуға бағытталған.