21.02.2017 |
БАСПАСӨЗ РЕЛИЗІ
Қазақстан Республикасы Орталық сайлау комиссиясының мүшелері
Б.С. Мелдешов пен С.С. Мұстафина 2017 жылға арналған электораттық оқытудың пилоттық жобасы шеңберінде Қазақстан Республикасы Президентінің жанындағы Мемлекеттік басқару академиясында «Қазақстан Республикасында сайлау жүйесінің түрленуі» тақырыбында дәріс оқыды
2017 жылғы 21 ақпанда Қазақстан Республикасы Орталық сайлау комиссиясының мүшелері Қазақстан Республикасы Президентінің жанындағы Мемлекеттік басқару академиясының Қосымша білім беру институтында «А» корпусына алғашқы түскен мемлекеттік қызметшілерді қайта даярлау курстарында және мемлекеттік қызметкерлердің біліктілігін арттыру семинарында «Қазақстан Республикасында сайлау жүйесінің түрленуі» тақырыбында дәріс оқыды.
Дәрістер барысында елде сайлау процесінің қалыптасу кезеңдері, сайлау жүйесі саласында халықаралық ұйымдардың ұсынымдарын іске асыру талқыланды, сондай-ақ ҚР ОСК электораттық оқыту жөніндегі пилоттық жоасының негізгі бағыттары белгіленді.
Соңында талқылаудағы тақырып бойынша сұрақ-жауап нысанында пікір алмасу өтті.