18.02.2017 |
ҚР Орталық сайлау комиссиясының хатшысы
Б.С. Мелдешов Ортсайлаукомның 2017 жылғы 17 ақпандағы
ашық отырысында сөз сөйледі
ҚР Орталық сайлау комиссиясының хатшысы Б.С. Мелдешов Ортсайлаукомның ашық отырысындағы сөзінде 2016 жылғы сайлау науқандарын құжаттық және әдістемелің қамтамасыз ету жөніндегі қызметі туралы айтты.
2016 жылы 67 қаулы қабылданды, оның ішінде бірінші тоқсанда – 48, екінші тоқсанда – 10, үшіншіде – 5, төртіншіде – 4, сондай-ақ 45 отырыс өткізілді.
Өткен жылдың бірінші тоқсанында қаулылардың көп санының қабылдануы 2016 жылғы 20 наурызға тағайындалған Қазақстан Республикасы Парламенті Мәжілісінің кезектен тыс және Қазақстан Республикасы мәслихаттары депутаттарының кезекті сайлауы жөніндегі электораттық процеске байланысты. Осылайша, Мәжіліске сайлау жөнінде 31, ал мәслихаттарға – 7 қаулы қабылданды. Бұл қаулылардың тізбесіне электораттық процесті іске асыруды қамтамасыз ететін актілер пакеті енді.
2016 жылдың қалған қаулылары Орталық сайлау комиссиясының және аумақтық сайлау комиссиялары қызметінің түрлі мәселделері жөнінде қабылданды, бұл – Парламенттің шығып қалған депутаттарының өкілеттігін тоқтату және тіркеу, Орталық сайлау комиссиясының қаулыларына өзгерістер енгізу және т.б.
Сайлау комиссияларының сайлауды дайындауды және өткізуді ұйымдастырудағы табысты жұмысының, олардың қабылдаған шешімдердің заңдылығы мен мәртебесінің артуы құжаттық қамтамасыз етудің реттелген жүйесі болып табылады.
Комиссия отырыстарын құжаттық қамтамасыз етудегі жауапкершілікті арттыру қажет. Қабылданған шешімдерді, отырыстар хаттамасын дұрыс рәсімдеу, іс-жүргізуді ұйымдастыруды әдістемелік басшылық ету, құжаттардың сақталуын қамтамасыз ету және оларды мұрағатқа өткізу сайлау комиссияларына неғұрлым сенім мен бедел береді.