18.02.2017 |
Ортсайлаукомның 2017 жылғы 17 ақпандағы ашық отырысында
ҚР Орталық сайлау комиссиясы Төрағасының орынбасары
В.К. Фоос сөз сөйледі
ҚР Орталық сайлау комиссиясы Төрағасының орынбасары В.К. Фоос Ортсайлаукомның ашық отырысындағы өзінің сөзінде 2017 жыл сайлау науқандарымен толы екенін атап өтті.
«Алдағы сайлау науқандарын ұйымдастыру жөніндегі негізгі салмақ облыстардың және Астана, Алматы қалаларының сайлау комиссияларына түседі. Сондықтан дайындықты алдын ала бастауы және бірінші кезекте өздерінің теориялық білімдері мен тәжірибелік дағдыларын нығайтуы қажет.
Қазақстан Республикасы мәслихаттарының депутаттарын сайлау жөніндегі сайлау науқанын дайындау және өткізу кезеңінде 183 өтініш түскенін атап өткім келеді.
ОСК-ға түскен мәслихаттар депутаттарын сайлау жөніндегі өтінінштердің бұндай саны жергілікті жерде округтік және аумақтық сайлау комиссиялары шағымдарды қарауға жеткілікті көңіл бөлмейтініне немесе немқұрайды қарайтындығының көрсеткіші екендігінің айғағы.
Бюджеттік қаражатты жұмсауға неғұрлым жауапкершілікпен қарауға және облыстық әкімдіктердің бухгалтерлерімен қарастырып, бюджет қаражатын мақсатқа сай пайдаланбау және бухгалтерлік құжаттарды уақтылы ресімдемеу жөнінде қателіктер жібермеуді сұраймын.
Бірақ «Сайлау туралы» заңға сәйкес сайлауды қаржыландыру осы мақсаттар үшін ашылған жергілікті атқару органдарының шоттары арқылы республикалық бюджеттің қаражатынан қаржыланатын болса да, аумақтық сайлау комиссиялары жүзеге асыратынын, ал төрағалар қаржылық құжаттардың сайлау комиссияларының қаржы мәселелері жөніндегі шешімдеріне сәйкестігі үшін жауапты екенін ұмытпауды сұраймын».