17.02.2017 |
БАСПАСӨЗ РЕЛИЗІ
Қазақстан Республикасы Орталық сайлау комиссиясы
2017 жылы бірінші ашық отырысын өткізді
17 ақпанда Қазақстан Республикасы Орталық сайлау комиссиясы 2017 жылы өзінің бірінші ашық отырысын өткізді, онда Ортсайлаукомның 2016 жылғы қызметінің қорытындылары қаралып, 2017 жылға арналған жұмыс жоспары талқыланды.
Комиссия отырысының жұмысына облыстық, Астана және Алматы қалалық сайлау комиссияларының төрағалары мен хатшылары, Жоғарғы Соттың, Бас прокуратураның, Әділет, Ақпарат және коммуникациялар, Білім және ғылым, Ішкі істер, Сыртқы істер министрліктерінің өкілдері қатысты.
Отырысты ҚР Орталық сайлау комиссиясының Төрағасы Б.М. Имашев кіріспе сөзімен ашты.
Комиссия Басшысы Қазақстан Республикасы Президенті Н.А. Назарбаев ұсынған реформа сайлау органдарының қызметіне де үлкен жауапкершілікті жүктейтін елдің саяси жүйесін демократияландыру және конституциялық құрылысты нығайту жолындағы маңызды қадам екенін атап өтті.
ҚР ОСК Төрағасының орынбасары В.К. Фоос, Комиссия хатшысы Б.С. Мелдешов, Ортсайлауком мүшелері С.С. Мұстафина, К.В. Петров, М.А. Сәрсембаев және Л.Ж. Сүлеймен баяндама жасады.
Ортсайлаукомның алдағы жұмысының басымдықтары айқындалып, нақты бағыттар бойынша Комиссияның қызметін ұйымдастырудың жаңа нысандары, әдістері мен тәсілдері талқыланды. Сөз сөйлеу барысында қозғалған тақырыптар арасында сайлау процесіне қатысушыларды оқыту, сайлаушылар тізімдерін құру, аумақтық сайлау комиссияларымен белсенді өзара іс-қимылды қамтамасыз ету және т.б. өзекті бағыттарға ерекше көңіл бөлінді.
Сындарлы пікір алмасу барысында аумақтық сайлау комиссияларының және мемлекеттік органдардың өкілдері 2017 жылғы сайлау науқандарын ұйымдастыру мен өткізу барысында Ортсайлаукоммен бірлескен жұмысының бағыттарын белгіледі.