24.11.2016 |
БАСПАСӨЗ РЕЛИЗІ
22-23 қарашада Қазақстан Республикасы Орталық сайлау комиссиясының мүшесі
М. Сәрсембаевтың Оңтүстік Қазақстан облысына жұмыс сапары болды
23-23 қарашада Қазақстан Республикасы Орталық сайлау комиссиясының мүшесі М. Сәрсембаевтың Оңтүстік Қазақстан облысына жұмыс сапары болды.
Сапар барысында М. Сәрсембаев облыстық сайлау комиссиясының басшылығымен және мүшелерімен кездесті, сондай-ақ мүдделі мемлекеттік органдардың өкілдерімен 2017 жылы Оңтүстік Қазақстан облысындағы сайлауды ұйымдастырушылар мен сайлау процесіне қатысушылардың электораттық мәдениетін арттыру жөніндегі іс-шараларды жоспарлауға, ұйымдастыруға және өткізуге байланысты ұсыныстарды талқылады.
«Біз жастарды, яғни болашақ сайлаушыларды және сайлау процесіне белсенді қатысушыларды электораттық оқыту процесіне тарту өте маңызды деп санаймыз. Ал оқыту процесі олар үшін тек пайдалы болып қана қоймай, сонымен қатар қызықты болуы үшін жаңа нысандар мен әдістер, жаңа бағдарламалар қажет. Жастар ұйымдарының түрлі акциялар мен іс-шаралардың бастамашысы болуы қуанышты. Осы барлық бастамалар мен ұсыныстарды біз міндетті түрде электораттық оқытуды жүргізу жөніндегі жоспарымызды әзірлеуде ескереміз» - деп атап өтті М. Сәрсембаев.