19.10.2016 |
БАСПАСӨЗ РЕЛИЗІ
Қарағанды облысында мәслихаттардың
шығып қалған депутаттарының орнына сайлау жөніндегі
сайлау науқанының барысы туралы
17-19 қазан аралығында жұмыс сапары барысында Ортсайлауком мүшесі К.Петров Қарағанды облысында мәслихаттардың шығып қалған депутаттарының орнына сайлау жөніндегі сайлау науқанының барысымен танысты.
30 қазанда өңір сайлаушылары № 9 Железнодорожный сайлау округі бойынша Қарағанды облыстық мәслихатының бір депутатын, № 9, 24, 28 және 30 сайлау округтері бойынша Қарағанды қалалық мәслихатының 4 депутатын, № 10 сайлау округі бойынша Қаражал қалалық мәслихатының бір депутатын, сондай-ақ № 8 Сарышаған сайлау округі бойынша Ақтоғай аудандық мәслихатының бір депутатын сайлайды.
Сайлаушылардың жалпы саны жеті округте жалпы 69 мың адамды құрайды.
Қарағанды облысында алдағы сайлауды ұйымдастыруға 33 учаскелік, 7 округтік және 4 аумақтық сайлау комиссиясы тартылды.
Бос 7 депутаттық мандатқа жалпы алғанда 21 адам үміткер.
Осы сәтте өңірде кандидаттардың сайлау алдындағы үгіт науқаны белсенді жүруде.
Сайлаушылармен кездесулер өткізуге, сондай-ақ түрлі үгіттік материалдарды дайындауға кандидаттар осы мақсаттарға бюджеттен бөлінген қаражаттан 820 мың теңге жұмсады. (Облыстық мәслихаттар депутаттығына тіркелген әрбір кандидатқа үгіттік іс-шаралар мен көліктік шығыстарға бюджеттен - 280 000 теңге, ал қалалық немесе аудандық мәслихат депутаттығына кандидаттарға 165 000 теңге бөлінеді).
Сапар барысында К. Петров Қарағанды қаласында және Қаражал қаласының Жайрем кентінде бірқатар округтер мен учаскелерді аралады, сондай-ақ облыстың аумақтық, округтік және учаскелік сайлау комиссияларының мүшелерімен кездесу өткізді, кездесулерде сайлау процесіне қатысушылардың барлығымен сайлау заңнамасы бірқатар нормаларының сақталуын қамтамасыз ету мәселелерін талқылады.
Ерекше көңіл сайлаушылар тізімдерін салыстыруға және толықтығы мен дұрыстығын қамтамасыз ету жөніндегі жұмысқа, сайлау органдарының дауыс беру күніне дайындық кезеңінде, сондай-ақ нақты сайлау күнгі міндеттеріне бөлінді.
«Сайлау науқаны тыныш іскер жағдайда сайлау заңнамасының нормаларына сәйкес өтуде. Барлық сайлау рәсімдері белгіленген мерзімде жүзеге асырылуда. Аумақтық, округтік және учаскелік сайлау комиссиялары ұйымдастыру мәселелерін уақтылы шешуде, ал Ортсайлауком өз тарапынан оларға қажетті консультациялық және әдістемелік көмек көрсетуде. 30 қазанда сайлау болатын окрутгтердің сайлаушыларына олардың конституциялық сайлау құқығын іске асыруға барлық қажетті жағдайлар жасалады» -деп атап өтті К. Петров.