12.10.2016 |
БАСПАСӨЗ РЕЛИЗІ
Мәслихаттардың шығып қалған депутаттарының орнына сайлау жөніндегі сайлау науқанының барысы туралы
2016 жылғы 30 қазанда 30 сайлау округінде болатын мәслихаттардың шығып қалған депутаттарының орнына сайлау жөніндегі сайлау науқанының шеңберінде сайлау туралы заңға сәйкес әкімдіктер дауыс беру өтетін учаскелік сайлау комиссияларына жаңартылған сайлаушылар тізімдерін акті бойынша тапсырды.
Осы сәттен бастап (10 қазаннан кешіктірмей) учаскелік сайлау комиссиялары тікелей сайлау учаскелерінде жұмысқа кіріседі.
15 қазаннан дауыс беру күніне дейінгі кезеңде және дауыс беру күні сайлау болатын округтердің сайлаушылары учсакелік сайлау комиссияларының үй-жайларында сайлаушылар тізімдерімен танысып, оларда өзі туралы деректерді тексере алады.
Бұл үшін тиісті учаскелік сайлау комиссиясына жеке басын куәландыратын, сондай-ақ тұрғылықты жерінің тіркелгенін растайтын (мекенжайлық анықтама) құжаттармен келіп, сайлаушылар тізімдерімен таныса алады.
Сайлаушының тегі тізімде болмаған немесе өзі туралы деректерде дәлсіздіктерді анықтаған жағдайда сайлаушы аталған құжаттар негізінде өзін тізімге кіргізуді немесе қажетті түзетулер енгізуді талап ете алады.
Азаматты нақты бір сайлау учаскесінде сайлаушылар тізіміне енгізуге осы сайлау учаскесінің аумағында тұрғылықты жері бойынша тіркелгені туралы факті негіз болып табылады.
Сайлаушылар тізімдеріне енгізу, одан шығару немесе сайлаушылар тізімдеріне түзетулер енгізу туралы сайлаушылардың өтініштерін тиісті сайлау комиссиясы өтініш түскен күні қарайды.
Осы уақытта мәслихаттардың депутаттығына кандидаттардың үгіт науқаны жалғасуда.
Дауыс беру 2016 жылғы 30 қазанда болады.
Осы сәтте мәслихаттардың шығып қалған депутаттарының орнына сайлау жөніндегі сайлау науқанына байланысты шағымдар мен өтініштер Орталық сайлау комиссиясына келіп түскен жоқ.