БАСПАСӨЗ РЕЛИЗІ

Мәслихаттардың шығып қалған депутаттарының орнына кандидаттарды

тіркеу қорытындылары

2016 жылғы 30 қазанда республиканың 30 сайлау округінде болатын мәслихаттардың шығып қалған депутаттарының орнына сайлау жөніндегі сайлау науқанының шеңберінде кандидаттарды тіркеу процесі аяқталды.

Бұған дейін хабарланғандай, босаған депутаттық мандаттарға барлығы 101 үміткер ұсынылды.

Сайлау заңнамасына сәйкес тиісті округтік сайлау комиссиялары кандидаттарды тіркеуді келесідей құжаттар ұсынылғанда жүзеге асырды:

-  ниеті туралы өтініш (қоғамдық бірлестік ұсынған жағдайда – келісімі туралы);

- өмірбаяндық деректер;

- кандидаттың және оның жұбайының (зайыбының) табысы туралы және мүлкі туралы декларацияларды тапсырғаны туралы салық органдарының анықтамалары;

- кандидаттың 114295 теңге мөлшерінде сайлау жарнасын енгізгенін растайтын құжат.

Қоғамдық бірлестіктер ұсынған кандидаттар қосымша қоғамдық бірлестіктің жоғарғы органының тиісті сайлау округі бойынша кандидатты ұсыну туралы отырысының хаттамасынан үзіндісін осы қоғамдық бірлестіктің әділет органдарында тіркелгені туралы құжаттың көшірмесімен қоса ұсынуы тиіс.

Округтік сайлау комиссиялары мәслихаттардың шығып қалған депутаттарының орнына кандидаттар ретінде барлығы 96 адамды тіркеді.

Осылайша, қазіргі уақытта мәслихаттардың шығып қалған депутаттарының орнына сайлауда орташа бәсекелестік бір бос депутаттық мандатқа 3-тен аса үміткерді құрайды.

Тіркелген кандидаттардың көбі  ер адамдар – 79 немесе 82,3%. Әйелдер – 17 немесе 17,7%.

31-і - Қазақстан Республикасының саяси партияларының мүшелері, 48-і  партияда жоқ, 17-сі – партияға тиесілігін көрсетпеген.

Орташа жас – 41 жас.

83,3% - ның жоғары білімі, 11,5%-ның арнаулы орта және 5,2%-ның  орта білімі бар.

Бұл ретте тіркелген кандидаттардың үштен бірі (29,2%)  мамандығы бойынша оқытушылар, 18,8%-ы - инженерлер, 14,6%-ы - экономистер, 8,3%-ы - заңгерлер, 6,2%-ы - дәрігерлер.

43,8%-ы мемлекеттік мекемелердің, ұйымдардың және кәсіпорындардың қызметкерлері болып табылады; 40,6%-ы - коммерциялық құрылымдарда қамтылған; 13,5%-ы - саяси партиялар мен ҮЕҰ-да жұмыс істейді.

Қазіргі уақытта кандидаттардың үгіт науқаны басталды, ол 28 қазанда 24 сағатқа дейін созылады.

Дауыс беру 2016 жылғы 30 қазанда болады.

Осы сәтте мәслихаттардың шығып қалған депутаттарының орнына сайлау науқанын өткізуге байланысты шағымдар мен өтініштер Орталық сайлау комиссиясына келіп түскен жоқ.