04.10.2016 |
БАСПАСӨЗ РЕЛИЗІ
2016 жылғы 4 қазанда Қазақстан Республикасы Орталық сайлау комиссиясы Төрағасының Өзбекстан Республикасының Қазақстан Республикасындағы Төтенше және Өкілетті Елшісімен кездесуі болды
2016 жылғы 4 қазанда Қазақстан Республикасы Орталық сайлау комиссиясының Төрағасы Өзбекстан Республикасының Қазақстан Республикасындағы Төтенше және Өкілетті Елшісі И.У. Назаровпен кездесті.
Ортсайлауком Басшысы мен Назаров мырза сайлау жүйелерін жетілдіру және сайлауды халықаралық байқау институтын одан әрі дамыту саласындағы Қазақстан Республикасы мен Өзбекстан Республикасы арасындағы екі жақты ынтымақтастық мәселелерін талқылады.
«Біз Қазақстан өкілдерінің алдағы Өзбекстан Республикасы Президентінің кезектен тыс сайлауын байқауға қатысуын жариялылық, ашықтық ахуалын қамтамасыз етуге, халықаралық қауымдастықтың және сайлау процесіне барлық қатысушылардың электораттық науқанға деген сенімін арттыруға көмек ретінде қарастырамыз» - деп атап өтті Б. Имашев.
Өзбекстан Республикасының Қазақстан Республикасындағы Төтенше және Өкілетті Елшісі кездесуді ұйымдастырғаны үшін ризашылығын білдіріп, екі елдің сайлау органдарының одан арғы жемісті ынтымақтастығына сенім білдірді.
Назаров мырза Имашев мырзаны Қазақстан Республикасы Орталық сайлау комиссиясы Төрағасының лауазымына тағайындалуымен құттықтап, оған кәсіби табыстар тіледі.
Кездесуге сондай-ақ Қазақстан Республикасы Орталық сайлау комиссиясының мүшесі М.А. Сәрсембаев қатысты.