09.09.2016 |
БАСПАСӨЗ РЕЛИЗІ
Қазақстан Республикасынан 53 байқаушы Беларусь Республикасының
Ұлттық жиналысы Өкілдер палатасының депутаттарын сайлауды байқауға қатысады
2016 жылғы 11 қыркүйекте Беларусь Республикасының Ұлттық жиналысы Өкілдер палатасының депутаттарын сайлау болады.
Алдағы сайлауды байқауға қазақстандық делегация құрамында Қазақстан Республикасы Орталық сайлау комиссиясының хатшысы Б. Мелдешов және Ортсайлауком аппаратының қызметкерлері қатысады.
10 қыркүйекте олар Беларусь Республикасының Сайлау және республикалық референдумдар өткізу жөніндегі орталық комиссиясының басшылығымен кездеседі, ал сайлау күні Минск қаласындағы бірқатар сайлау учаскелеріне барып, дауыс беру мен дауыстарды санау рәсімдерін ұйымдастыру ерекшеліктерімен, учаскелік сайлау комиссияларының жұмысымен, сайлау процесінің ашықтығын және оның ұлттық сайлау заңнамасының нормаларына сәйкес келуін қамтамасыз ету үшін олардың қолданатын шараларымен танысады.
12 қыркүйекте Б. Мелдешов ТМД-дан байқаушылар Миссиясының үйлестіру кеңесінің мүшесі ретінде ТМД Миссиясының сайлауды байқаудың алдын ала қорытындылары туралы баспасөз конференциясына қатысады.
Беларусь Республикасының Ұлттық жиналысы Өкілдер палатасының депутаттарын сайлауды байқауды барлығы Қазақстан Республикасының 53 өкілі жүзеге асырады.