ӨҢІРЛЕР ЖАҢАЛЫҚТАРЫ

2017 жылғы 17 наурызда Жамбыл областық аумақтық сайлау комиссиясының төрағасы М. Сарыбековтың сайлау барысында н мәслихаттардың  шығып қалған депутаттарының орнына сайлау барысы

туралы брифингі  өтті

Жамбыл, Жуалы, Талас аудандары мен Тараз қаласының мәслихаттарының құрамынан 1 депутаттан босап қалған, яғни, облыс бойынша 4 вакансия бар.

Барлық вакансиялар, негізгі депутаттардың мемлекеттік қызметке ауысуына байланысты болып отыр.

1) Тараз қалалық мәслихатының хатшысы, №22 сайлау округінің депутаты Б.Нарбаев – Сарысу ауданына әкім болып тағайындалды;

2) Жамбыл аудандық мәслихатының №6 сайлау округінің депутаты Е.Кулкеев – Жамбыл облысы әкімдігінің ауылшаруашылығы басқармасы басшысының орынбасары болып тағайындалды;

3) Жуалы аудандық мәслихатының №13 сайлау округінің депутаты М.Айжанов - аудан әкімдігінің білім бөлімінің басшысы болып тағайындалды;

4) Талас аудандық мәслихатының №5 сайлау округінің депутаты Қ.Серимов – Қаратау қаласы әкімі болып сайлануына байланысты.

Облыстық аумақтық сайлау комиссиясының 2017 жылғы 26 қаңтардағы №36шешіміменоблыс көлемінде шығып қалған мәслихат депутаттарының орнына сайлауды өткізу мен оның дайындық жұмыстарын жүргізу жөніндегі күнтізбелік жоспары бекітілген.

Бұл Күнтізбелік жоспар облыстық бұқаралық ақпарат құралдарында («Ақ жол» мен «Знамя труда» газеттерінде)31 қаңтар күні жарияланды және сайлау өтуі тиіс аудандар мен Тараз қаласына жұмыс жүргізу үшін жолданған.

Осы күнтізбелік жоспар бойынша келесідей жұмыстар атқарылуда.

Жоғарыда аталған барлық аудандық және Тараз қалалық газеттерде аумақтық, округтік және учаскелік сайлау комиссияларының құрамы, шекаралары және орналасқан жері бұқаралық ақпарат құралдарында 2017 жылдың 4-6 ақпан аралығында жарияланды.

Ағымдағы жылғыақпанның 1-і мен 24-і аралығында бос тұрған округтарға мәслихат депутаттығына кандидаттарды ұсыну шаралары өтті.

Ұсынылған кандидаттарды тіркеу шаралары  28 ақпан күні аяқталды.

Бүгінгі күнге облыс бойынша 14 кандидат ұсынылған болатын, олардың екеуі өз өтініштері негізінде кандидаттықтан бас тартса, 1-і мемлекеттік кірістер органдарының тексерісі нәтижесінде тапсырылған декларацияының қате толтырылуына байланысты тіркеуден алынды. Осыған байланысты ұсынылған 14 кандидаттың 11-і ғана тіркеуден өтті.Барлық кандидаттарға тиісті мәслихат депутаттығына кандидат деген куәліктер тапсырылды және бұқаралық ақпарат құралдарында жарияланды.

Нақты уақытта, сайлаушылар тізіміжасақталыпаудан әкімдерімен тиісті учаскелік сайлау комиссияларына Актімен өткізілді. Өткізу мерзімі - 6 наурыз, яғни сайлаудан 20 күн бұрын. Сайлау өтетін округтарға қарасты сайлау учаскелерінде сайлаушылар тізімдері сайлаушыларға танысу үшін 10 наурыздан кешіктірілмей ұсынылды. Яғни, сайлаудан 15 күн бұрын.

Наурыздың 1-нен бастап сайлау алдындағы үгіт шаралары басталды, және бұл науқан наурыздың 24 күні сағат 24.00-де аяқталатын болады.

Сонымен қатар, ағымдағы жылдың 24 ақпан және 16 наурыз күні Орталық сайлау комиссиясы тарапынан ұйымдастырылған электораттық оқыту жөніндегі вебинарлар өткізілді. Оған барлық деңгейдегі мәслихат хатшылары мен тиісті облыстық басқарма басшылары қамтылды.

Брифинг Жамбыл облысының өңірлік коммуникациялар қызметінің базасында өтті